Շաբաթ, 02. 03. 2024

spot_img

Ստեփանակերտի Մէջ Կայացած է «Գութան» Ազգագրական Երգի-պարի Փառատօնը

Ստեփանակերտի Վերածնունդի հրապարակին վրայ կայացած է «Գութան» ազգագրական երգի-պարի փառատօնը:

Ըստ Artsakhpress.am-ի՝ Գութան ազգագրական երգի-պարի փառատօնային համերգին իրենց մասնակցութիւնը բերած են` Մարաթուկ, Ակունք, Կարին, Սասնայ Ծռեր, Վերադարձ, Մենք ենք մեր սարերը, Մշոյ հաւքեր, Վան, Տարօնցիներ, Ծովակ, Ոստան, Գորանի, Մասունք, Տաւրոս երգի-պարի խումբերը:

Կարին աւանդական երգի-պարի խումբի հիմնադիր եւ գեղարուեստական ղեկավար, նախկին ազատամարտիկ, պարուսոյց Գագիկ Գինոսեան հպարտութեամբ նշած է, որ ինքը կ՝ողջունէ հայ մարդու` իր մշակոյթի ակունքներուն վերադառնալու փորձը. Չէ՞ որ իւրաքանչիւր ազգի ինքնութիւնը մշակոյթով կը ճանչցուի:

10

Գ. Գինոսեանի խօսքով, այս փառատօնի հիմնական նպատակն է աւանդական երգ ու պարի պահպանումը, սերունդէ սերունդ փոխանցումը, որպէսզի եկող սերունդը դառնայ հայկական մշակոյթի կրողն ու իրենցմէ յետոյ եկող սերունդին փոխանցողը:

«Վստահ եմ, որ այնտեղ, որտեղ հնչել, հնչում ու դեռ հնչելու է հայկական աւանդական երգն ու պարը, այնտեղ հայը միշտ յաղթել, յաղթում ու յաղթելու է: Արցախցիների կեանքում մեծ դերակատարութիւն են ունեցել նաեւ հարսանեկան ու ծիսական պարերը. դրանով է արցախցին պահպանել իր ազգային դիմանկարը, եւ այդ պարերը պէտք է փոխանցուեն սերնդեսերունդ: Այո, միշտ եւ ամէնուր յաղթանակած արցախցին պէտք է երգի ու պարի»,- վստահութեամբ ըսած է Գ. Գինոսեան եւ խոստացած, որ ինքը իր փորձը արցախցիներուն փոխանցելու նպատակով, ամիսը գոնէ մէկ անգամ կ’աշխատի Արցախ այցելել:

Գ. Գինոսեանը կարեւոր կը համարէ նաեւ երիտասարդներու հետ նմանատիպ ձեռնարկներու յաճախակի կազմակերպումը, հայկական աւանդական երգ ու պար սորվեցնելն ու զանոնք մասսայական դարձնելը:

11

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին