Բրիտանական յառաջատար «Տը Կարտիըն» պարբերականը անդրադարձած է՝ գինիի պատմութեան մասին ամերիկացի ակադեմիկոսներ Իեն Թաթերսօլի եւ Ռոպ Ռեսելի նոր գիրքին, ուր հեղինակներըը կը բացայայտեն Հայաստանը եւ Վրաստանը` իբրեւ գինիի բնօրրան:
Յօդուածագիրին փոխանցմամբ գիրքին հեղինակները հարցադրում կ՛ընեն, թէ ինչ տեսակ գինիներ կը պատրաստէին անոնք 5000 տարիներ առաջ Փոքր Կովկասի քարանձաւներէն մէկուն մէջ, որ յայտնի է իբրեւ «Արենի-1»։
«Ահա այստեղ է, որ 2011-ին ժամանակակից Հայաստանի մէջ հնէագէտները յայտնաբերեցին աշխարհի ամենաառաջին գինին` մօտաւորապէս ք.ա. 3000-3500 թուագրութեամբ: Թերեւս հեղինակներուն հարցադրումին պատասխանը չէի ունենար, եթէ 2014-ին չհամտեսէի իտալահայ Զօրիկ Ղարիպեանի «Կարասի Արենի»ն, որ պատրաստուած է հայկական տարբեր տեսակի խաղողներէ եւ անիկա կը կրէ Արենի գիւղին անունը», Panorama.am-ի փոխանցմամբ կը գրէ «Տը Կարտիըն»ի յօդուածագիրը:
Վերջինս կ՛աւելցնէ, որ գինիի համտեսումը կ՛ապացուցէ այդ ողորկ ու կենսունակ կարմիր գինիին մէջ տարիներու հնութիւնը:
Շարունակելով յօդուածագիրը կը պատմէ, թէ իտալահայ Զօրիկ Ղարիեանը հայկական Սփիւռքի այն գործարարներէն է, որ էական դեր խաղցած է գինիի արդիւնաբերութեան վերածնունդի գործին մէջ:
Յօդուածագիրը կը նկատէ, որ աւանդական գինեգործութեան արուեսագիտութեան հետ միասին, հայ գործարարը իր գինին հինցնելու համար կ՛օգտագործէ նաեւ կարաս (կճուճներ):
