Կիրակի, 8 Նոյեմբերի դրութեամբ՝ Հալէպ հերթականօրէն սկսաւ վառելանիւթ եւ պարեն հասնիլ։ Ջուրը հերթաբար հասանելի սկսաւ դառնալ քաղաքի համարեա՛ բոլոր թաղամասերուն, մինչ ելեկտրականութիւնը աւելի քան 16 օրէ ի վեր անհասանելի է՝ բախումներու հետեւանքով ելեկտրակայաններու վնասուած ըլլալուն եւ զինեալ ահաբեկչական խմբաւորումներուն կողմէ՝ նորոգող խմբակներու տուեալ կայաններ մուտքը արգիլելուն պատճառով, կը հաղորդէ Հալէպի «Գանձասար» շաբաթաթերթը։ Ապահովական առումով Կիրակի օր զինեալ ահաբեկչական խմբաւորումներ Պէնի Զէյտ շրջանէն աւելի քան 70 հրթիռներ արձակեցին Հալէպի Սեպիլ, Նիլ եւ Սըրիէն ալ Ճատիտէ պողոտաներու խաղաղ բնակչութեան վրայ։ Արձանագրուեցան զոհեր եւ վիրաւորներ, փուլ եկան բնակարաններ։
