Հայկական Հարցն ու Ցեղասպանութիւնը առաջին անգամ ըլլալով, ամբողջական տեսքով տեղ գտած են թրքական նոր վէպի մը մէջ։
Արդարեւ, թուրք յայտնի գրող Վետաթ Թուրքալիի «Վերջացաւ, Վերջացաւ՝ Չվերջացաւ» ստեղծագործութեան տարածքին մէջ Հայկական Ցեղասպանութեան ուրուականը կը շրջի: Վէպի պատմական ետնաբեմին մէջ Ցեղասպանութիւնը թաքնուած է:
Վէպին մէջ կը ներկայացուին 1909ի Կիլիկիոյ կոտորածը, Խարբերդի նահանգը, Պատմական Հայաստանը, տեղահանութիւնը, կոտորածները, որոնք այս հողերը անծայրածիր գերեզմանի վերածած են, նաեւ՝ Տէր Զօրը, բռնի իսլամացումը, գաղտնի քրիստոնեաները եւ Հայկական Նեմեսիսը։
Հեղինակը նաեւ զուգահեռներ գծած է Տերսիմի եւ Հայկական Ցեղասպանութեան միջեւ։
www.tert.am
